No xe restà
che la to soca marsa
persa tra l’erba selvadega,
se l’arzene del fosso.
Epur te geri grando!
Epur te geri forte!
E quanto volte
gò godùo l’ombrìa
che te me regalavi.
E quante volte
gò scoltà la vose
del vento e de la piova
che ti te trasformavi
in musica par mi.
Testimone
dei me primi matessi;
rufian;
de le me prima busìe,
su la to scorza
te portavi scrite parole
che se gà invecià nel tempo
insieme a mi
insieme a ti.
No’ xe restà
che la to soca marsa
su l’arzene del fosso:
cornise su la tela
del tempo consumà.
