Le suche
le vegne soto el soturco
drio dei cavini,
sul canton dei orti
e sora i stavoi
dei porsèi,
n’ò mai capìo parchè
le vesse posti fissi.
El gambo
de le foie grande
l’è grosso più de un dèo,
drento el xe vodo
e fora el bèca sodo,
se lo tajava
longo da tromba
co do spacheti
par le vibrassion
e dopo a pien ganasse
se faseva na orchestra
de tromboni.
Co se metevimo in tanti
tremava fin le lastre,
sarìa cascà anca i muri
a darghe drento
cossì come sui libri
de quela volta a Gerico.
Pensar da boce
quanto gèrimo antichi.ù
-Adriano Gionco
