Çerte matine,
co cambia el tempo,
‘riva puntual un concerto de campane,
ciaro e limpido
(anca se limpido
el giorno no ‘l sarà)
e te difo: scolta,
senti che bele…
e insieme bevemo el café
che te ga ‘pena fato.
Sentai sul leto, scoltemo:
taca qule de Fontane,
bele, argentine;
po quele de San Paè,
bone, alegre;
se zonta quela de Santa Bona,
una sola, parchè
le altre do le xe rote
e ‘sto concerto a tre
ne nina, a le sete de la matina,
e par un momento
ne par che sia festa.
-Emilio Gallina
