Ghe se tanti che crede derivà,
a sto sito, sto nome dal gran vento
che tira sempre. In fati, anca de istà,
in çerte ore, se prova malcontento
a doverlo passar. ‘Na volta qua,
çirca, o monade za, el mile e tresento,
co le cazze del toro, in sta çità,
gaveva logo (el gran divertimento!)
per aizzar i cani, se sbarava
dei scartossi de polvare ciamai
sofioni. E sti spetacoli se dava,
generalmente tuti i carnevai,
te la Piazza Pretoria e a torno, stava
i trevisani a vedar ben strucai.
–Giulio Gottardi
