No ghè un fiume che sia come el Sil belo.
Nato a Albaredo in poca strada el vien
da ‘na bofola, un filo, un vermeselo
a ciapar corpo, a farse forte e pien.
Verti i stropagi e po serai, al livelo
de prima l’acqua torna e se mantien
tranquila rifleteno e piante e çielo
e tuto quel che in oro via ghe vien.
Contr’acqua andando a Quinto o pur co lu
vegnendo in zo fin a Casier se ga
un spetacolo vario e divertente.
Per piova el Sil no intorbia nè ‘l dà su,
per arsità no ‘l seca e sempre el va
limpido, regolar, dolòe, silente.
–Giulio Gottardi
