La matina bonora,
quando sona la campana
de messa prima,
le none va in Césa.
Tute compagne
a vederle de schiena,
come le statuete
in t’el presepio.
Drio la siesa, coi stivai,
el jacheton a coste,
el s-ciopo in man
stà fermo el caciator coì can.
L’è festa.
I boce no ‘fa scuola.
Le case verze i oci pian
parchè xe calivo.
La piassa voda
speta i omeni più tardi.
El campanil ne varda
coe piere de quei nomi
che no’ ghe xe più.
-Adriano Gionco
