Par i cei cossa xelo ‘desso un campo
de formenton? Na selva, na foresta
che te ghe cori indentro e ch’in t’un lampo
tra foje e cane no te gà pì testa.
E co e xe pì grandi se se perde
te n’altra forma, andando in compagnia
pinpianeo de scondon tramezo el verde
atenti che nissuni no ne spia.
El sorgoturco xe par i morosi
quelo che xe le verze par i s’ciosi.
Ma lora de la guera, coi Tedeschi
che coleva ciaparne? Copa! copa!…
…e via te le panocie, de remeschi,
scampando finalmente ch’l cor s’ciopa.
Lori core pai trami e pai cavini,
brusa la lobia, sbara t’el paier,
ma ghe manca el corajo a sti tognini
de vignir t’el soturco a far puner.
E là stavimo boni fin ch’el sl
moriva drio na ponta de fiasol.
-Enzo Demattè
